Actividades para a infancia
Wanabuni é un proxecto educativo e de acompañamento familiar fundado en 2020 por Mel Cimas, neuro-educadora e especialista en pedagoxías activas. Desde os seus inicios, o proxecto centrouse en ofrecer formación e apoio a familias, docentes e profesionais da infancia, integrando coñecementos de neurociencia, desenvolvemento infantil e educación respectuosa. Para iso, Wanabuni reforzou o seu equipo cunha psicóloga e unha mestra especialista en NEAE, que achegan experiencia e novos coñecementos.
Con unha traxectoria consolidada no ámbito da educación e a crianza, Wanabuni traballa desde un enfoque práctico e actualizado, baseado na evidencia científica e na experiencia directa coa infancia. Todas as propostas do proxecto están deseñadas para dar resposta ás necesidades reais das familias actuais, con contidos rigorosos, dinámicos e adaptados a cada etapa do desenvolvemento infantil.
Nesta ocasión ofrecerán obradoiros para os máis pequenos da casa. Nestas actividades poderán experimentar, expresarse e sobre todo aprender xugando. Entre outras cousas pintarán a distancia, con burbullas e incluso con tinta máxica, crearán obras de arte con cartón, descubrirán que hai mil formas de divertirse.
Podes seguir o seu traballo no seu Instagram @wanabuni 
