Javier Sanhonorato Vázquez Charla sobre o permiso por fillo con enfermidade grave (CUME)
Para esta temática contaremos con Javier Sanhonorato Sánchez, experto en Dereito Sanitario e unha das voces máis recoñecidas no ámbito do asociacionismo vinculado á diabetes e á saúde.
Traxectoria profesional
Licenciado en Dereito pola Universidade Complutense de Madrid (UCM) e especialista en Dereito Sanitario pola Universidade Pontificia de Comillas, Javier Sanhonorato desenvolve a súa labor profesional en Sanhonorato Avogados.
É ademais presidente de ADDEISA (Asociación de Dereito Sanitario en Enfermidades Inmunolóxicas, Sangue e Afíns) e membro do Grupo de Traballo de Educación Terapéutica en Diabetes da SEDE. A súa implicación co movemento asociativo é ampla: colabora coa Federación Española de Diabetes (FEDE), a Fundación para a Diabetes, a Fundación de Castilla-La Mancha para a Diabetes, así como con sociedades científicas como a SEDE e a SEEN.
Participou en cursos, congresos, simposios e xornadas especializadas, ademais de ser autor de múltiples publicacións. Tamén interveu en eventos de referencia como o Diabetes Experience Day.
Contido da charla
A exposición centrarase no permiso por fillo con enfermidade grave (CUME), unha prestación fundamental para a conciliación familiar en situacións de especial vulnerabilidade. Javier Sanhonorato explicará:
- Que é o CUME e cal é a súa base legal.
- Quen pode beneficiarse deste permiso.
- Procedemento de solicitude e requisitos necesarios.
- Casuística frecuente e dereitos que deben protexerse.
Será unha oportunidade para comprender mellor o marco legal e práctico dun dereito clave para moitas familias, así como para resolver dúbidas e coñecer experiencias reais.
